Pronóstiko

Pronóstiko di tempu pa Kòrsou i bisindario bálido te djasabra atardi 18:00 o.l., 3 di mei 2025.

Kompilá:
djabièrnè 2 di mei 2025, 18:00 o.l. (22:00 UTC).

Tempu:
Tiki te parsialmente nublá i tempu lo keda generalmente seku. Tambe visibilidat lo keda redusí dor di stòf fini prosedente di Sahara.

Temperatura máksimo lo alkansá 31ºC i temperatura mínimo 26ºC.
Solo ta sali 06:15 i ta baha 18:50 o.l.

Bientu:
Ost i suak te moderá; forsa 2 te 4 (7 te 30 km/ora, 4 te 16 nudo). Ráfaga de bes en kuando basta fuerte; forsa 5 (31 te 39 km/ora, 17 te 21 nudo).

Situashon general:
Stabilidat atmosfériko apesar di un fluho di airu relativamente húmedo ta kondusí na desaroyo di nubianan ménos signifikante riba nos region awe nochi i mañan djasabra. Despues di esaki, tempran riba djadumingu, nubianan un poko mas pisá por okashoná momentunan di áwaseru riba algun área di Kòrsou. Mas aleu, no ta antisipá muchu kambio den e diferensia di preshon di airu i e fluho di bientu ta sigui supla por lo general moderá.

Kondishon di laman:
Trankil te moderá ku altura di olanan entre 0.5 i 1.5 meter (2 i 4 pia).

Fenómeno spesial:
Ningun.

Perspektiva te djadumingu atardi: P
Parsialmente te hopi nublá ku chèns pa un áwaseru lokal.

Meteorólogo:
Correa

E próksimo boletin di tempu lo wòrdu publiká djasabra 05:00 o.l. (09:00 UTC).