Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l., 13 di yüli 2025.

Kompilá:
djasabra 12 di yüli 2025, 05:00 o.l. (09:00 UTC).

Tempu:
Shelu ta leve- te parsialmente nublá i un tiki stòf di Sahara lo ta visibel den e área. De bes en kuando lo bira basta nublá i aki aya ku un áwaseru.

Temperatura máksimo lo alkansá 31ºC i temperatura mínimo 26ºC.
Solo ta sali 06:17 i ta baha 19:05 o.l.

Bientu:
Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general:
Kondishon atmosfériko levemente húmedo i instabil ku ta kompañá un ola tropikal suak, por kousa un par di áwaseru leve i pasahero riba nos área awe i tambe durante oranan tempran di mayan. Miéntras tantu, e preshon haltu di Atlántiko lo sigui sostené bientunan moderá te de bes en kuando fuerte den e region durante fin di siman. Pa e apertura di otro siman sinembargo, nos área lo ta denter di un ambiente seku i stabil, di manera ku pa e momento ei ta pronostiká wer trankil.

Kondishon di laman:
Moderá ku altura di olanan entre 1 i 2 meter (3 i 6 pia). E olanan di mas haltu ta riba laman habri na nort i wèst di nos isla.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djaluna mainta:
Shelu, por lo general tiki nublá ku bista redusí pa stòf di Sahara i bientu relativamente mas suak.

Meteorólogo:
Coffie

E próksimo boletin di tempu lo wòrdu publiká djasabra 11:00 o.l. (15:00 UTC).