Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l., 16 di yüli 2025.

Kompilá:
djamars 15 di yüli 2025, 05:00 o.l. (09:00 UTC).

Tempu:
Leve te parsialmente nublá i generalmente seku. Tambe visibilidat ta sigui un poko redusí.

Temperatura máksimo lo alkansá 32ºC i temperatura mínimo 27ºC.
Solo ta sali 06:19 i ta baha 19:05 o.l.

Bientu:
Generalmente for di ost i moderá te basta fuerte; forsa 3 te 5 (12 te 39 km/ora, 7 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general:
Kondishon generalmente seku i stabil lo dominá nos área durante e siguiente 24 ora. Sinembargo, algun área di nubia lo krusa riba nos área sin áwaseru signifikante. Tambe, stòf fini di Sahara lo sigui tene e visibilidat un poko redusí durante e dianan benidero.

Kondishon di laman:
Moderá ku altura di olanan entre 1 i 2 meter (3 i 6 pia).

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djaweps mainta:
Parsialmente te basta nublá ku algun momentu di yobida.

Meteorólogo:
Abraham.

E próksimo boletin di tempu lo wòrdu publiká djamars 11:00 o.l. (15:00 UTC).