Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 14 di ougùstùs 2025.

Kompilá:
djárason 13 di ougùstùs 2025, 05:00 o.l. (09:00 UTC).

Tempu:
Shelu ta parsialmente nublá ku presensia di santu di Sahara. Tin bia ta eksistí un chèns pa awa kai breve i lokal.

Temperatura máksimo lo alkansá 32ºC i temperatura mínimo 27ºC.
Solo ta sali 06:24 i ta baha 18:57 o.l.

Bientu:
Direkshon entre ost i nortost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general:
E preshon haltu di Atlántiko ta ekstendé suavemente den Karibe i ta generá un bientu moderá i de bes en kuando basta fuerte den nos region. Miéntras tantu, áreanan di nubia relativamente chikitu den e fluho di bientu aki lo kousa áwaseru riba sierto lugá di e isla i rondó di esaki. Ademas, e forsa di bientu lo mengua mas ainda durante e siguiente dianan, di manera ku den dia lo bai hasi un poko kalor. Tambe un kapa fini di santu di Sahara lo ta visibel den e área durante e próksimo un te dos dia.

Kondishon di laman:
Trankil te moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal:
Sistemanan signifikante di wer tropikal: Tormenta tropikal Erin tabata situá awe mainta tempran riba e sekshon sentral di Atlántiko Tropikal. E tormenta ta move wèst i probablemente lo bira un orkan mas lat den siman. Tormenta tropikal Erin lo no ta un menasa pa Kòrsou.

Fenómeno spesial:
Ningun.

Perspektiva te djabièrnè mainta:
Parsialmente nublá i de bes en kuando ku chèns pa áwaseru aki i aya.

Meteorólogo:
Coffie

E próksimo boletin di tempu lo wòrdu publiká djárason 11:00 o.l. (15:00 UTC).