Meteorological Department Curaçao
Beryl Yuli 2024
Meteorological Department Curaçao
Boletin semanal 20 Nov te ku 26 Nov 2023
Pronóstiko di tempu pa Kòrsou i bisindario bálido te djasabra mainta 6:00
o.l., 2 di ougùstùs 2025.
Kompilá:
djabièrnè 1 di ougùstùs 2025, 05:00 o.l. (09:00 UTC).
Tempu:
Shelu ta tiki te parsialmente nublá ku chèns pa algu di áwaseru breve
i aislá, awe aserkando mèrdia.
Temperatura máksimo lo alkansá 32ºC i temperatura mínimo 27ºC.
Solo ta sali 06:23 i ta baha 19:01 o.l.
Bientu:
Por lo general ost i moderá; forsa 3 te 4 (12 te 30 km/ora, 7 te 16
nudo). De bes en kuando ráfaga basta fuerte te fuerte; forsa 5 te 6 (31 te 50
km/ora, 17 te 27 nudo).
Situashon general:
Áwaseru ku aktividat di welek i bos asosiá ku un ola
tropikal ta afektando e wer riba e sekshon nort den Laman Karibe oriental.
Mientras tantu riba e parti sùitost, ekstenshon di un preshon haltu ta sòru pa
wer kontinuá trankil ku bientu suplando un poko fuerte. Despues durante fin di
siman e forsa di bientu lo debilitá i kambia di direkshon pa sùitost, di
manera ku tambe lo bai tin sensashon di kalor un poko sofokante.
Kondishon di laman:
Moderá ku altura di olanan entre 1 i 2 meter (3 i 6 pia). E
olanan di mas haltu lo ta generalmente riba laman habrí na nort.
Sistemanan signifikante di wer tropikal:
Sistemanan signifikante di wer tropikal: Ningun.
Fenómeno spesial:
Ningun.
Perspektiva te djadumingu mainta:
Parsialmente nublá i posibilidat di un
áwaseru aislá den mardugá. Den dia ku sintimentu di èkstra kalor.
Meteorólogo:
Coffie
E próksimo boletin di tempu lo wòrdu publiká djabièrnè 11:00 o.l. (15:00 UTC).