Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 26 di yüli 2025.

Kompilá:
djabièrnè 25 di yüli 2025, 05:00 o.l. (09:00 UTC). KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR

Tempu:
Parsialmente nublá, temporalmente hopi nublá ku chèns pa algun awaseru.

Temperatura máksimo lo alkansá 32ºC i temperatura mínimo 26ºC.
Solo ta sali 06:21 i ta baha 19:03 o.l.

Bientu:
For di ost i moderá; forsa 4 te 5 (20 te 39 km/ora, 11 te 21 nudo). Ráfaga, de bes en kuando fuerte; forsa 6 (40 te 50 km/ora, 22 te 27 nudo).

Situashon general:
Un sistema di preshon haltu riba Atlántiko ta sigui dominá e tempu a traves di e region Karibense, e fluho di bientu lo kontinuá fuerte durante kuminsamentu di awenochi i mañan lo sòru pa laman keda lokalmente un brutu. Adishonalmente, oumento di humedat debí na un ola tropikal ku ta transitá nos área, durante oranan di mardugá i mainta lo okashoná lokalmente algun yobida. No ta ekskluí oportunidat ku bos por zona. Mas lat den dia, wer seku lo prevalesé.

Kondishon di laman:
Moderá te lokalmente basta brutu te brutu ku altura di olanan entre 1.5 i 2.5 meter (4 i 8 pia). E olanan di mas haltu lo ta serka di kosta nort i ost i den e pasashi entre Klein Kòrsou i Kòrsou. Ta rekomendá usuarionan di laman uza koutela na momento ku ta uza òf transitá e sekshonnan di laman menshoná.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djadumingu mainta:
Un koriente di airu húmedo di nortost durante mañan i den fin di siman lo kousa e ora ei periodonan ku mas nubia i áwaseru. Ta premirá ku bientu lo mengua.

Meteorólogo:
Abraham.

E próksimo boletin di tempu lo wòrdu publiká djabièrnè 11:00 o.l. (15:00 UTC).