Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l., 15 di ougùstùs 2025.

Kompilá:
djaweps 14 di ougùstùs 2025, 05:00 o.l. (09:00 UTC).

Tempu:
Leve te parsialmente nublá ku visibilidat un poko redusí i no ta antisipá áwaseru signifikante.

Temperatura máksimo lo alkansá 32ºC i temperatura mínimo 27ºC.
Solo ta sali 06:24 i ta baha 18:56 o.l.

Bientu:
Generalmente ost i moderá; forsa 3 te 4 (12 te 30 km/ora, 7 te 16 nudo). De bes en kuando durante dia basta fuerte den ráfaga; forsa 5 (31 te 39 km/ora, 17 te 21 nudo).

Situashon general:
Ounke kondishon atmosfériko ta un poko faborabel pa nubianan ku áwaseru sigui pasa den nos region, no ta premirá aktividat di áwaseru signifikante durante di gran parti di e dia riba nos isla. Ademas, e forsa di bientu lo varia entre suak i moderá, fomentando posibel sintimentu di kalor. Tambe, stòf fini di Sahara lo mantené e visibilidat un poko redusí den nos área durante e próksimo un te dos dia.

Kondishon di laman:
Trankil te moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal:
Sistemanan signifikante di wer tropikal: Tormenta tropikal Erin ta situá ost di e islanan nort di Leeward i ta sigui den direkshon move wèst nortwèst i probablemente lo bira un orkan durante djabièrnè. Tormenta tropikal Erin lo no ta un menasa pa Kòrsou.

Fenómeno spesial:
Ningun.

Perspektiva te djasabra mainta:
Parsialmente nublá ku chèns pa áwaseru lokal i ménos bientu.

Meteorólogo:
Vrutaal.

E próksimo boletin di tempu lo wòrdu publiká djaweps 11:00 o.l. (15:00 UTC).