Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 13 di ougùstùs 2025.

Kompilá:
djamars 12 di ougùstùs 2025, 05:00 o.l. (09:00 UTC).

Tempu:
Por lo general parsialmente nublá ku chèns pa algun áwaseru durante oranan di mainta.

Temperatura máksimo lo alkansá 32ºC i temperatura mínimo 27ºC.
Solo ta sali 06:24 i ta baha 18:57 o.l.

Bientu:
Generalmente ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte te fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general:
Un ola tropikal den e área di Karibe ku ta move den nos direkshon ta stimulá formashon di nubianan signifikante den nos region. Algun di e nubianan aki por produsí algu di áwaseru na sierto parti di nos isla durante di awe prinsipalmente parti di mainta. Ademas den e próksimo dianan, ta antisipá ku bientu lo mengua gradualmente i stòf di Sahara lo afektá e visibilidat den nos region.

Kondishon di laman:
Moderá ku altura di olanan entre 1 i 1.5 meter (3 i 5 pia).

Sistemanan signifikante di wer tropikal:
Sistemanan signifikante di wer tropikal: Tormenta tropikal Erin a forma riba sekshon oriental di Atlántiko Tropikal i ta pronostiká ku e sistema lo sigui desaroyá i bira orkan despues den e siman aki. Servisio Meteorológiko Kòrsou lo sigui monitoreá e sistema aki. E sistema aki no ta un menasa pa Kòrsou.

Fenómeno spesial:
Ningun.

Perspektiva te djaweps mainta:
Parsialmente nublá, generalmente seku i ku un bista redusí.

Meteorólogo:
Vrutaal.

E próksimo boletin di tempu lo wòrdu publiká djamars 11:00 o.l. (15:00 UTC).