Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 14 di òktober 2025.

Kompilá:
djaluna 13 di òktober 2025, 05:00 o.l. (09:00 UTC).

Tempu:
Parsialmente te de bes en kuando hopi nublá ku chèns pa algun áwaseru i posibilidat di welek ku bos durante oranan di mainta.

Temperatura máksimo lo alkansá 32ºC i temperatura mínimo 27ºC.
Solo ta sali 06:25 i ta baha 18:19 o.l.

Bientu:
Entre nortost i suitost i por lo general suak; forsa 2 te 3 (7 te 19 km/ora, 4 te 10 nudo). Durante áwaseru fuerte, de bes en kuando moderá den ráfaga; forsa 4 (20 te 30 km/ora, 11 te 16 nudo).

Situashon general:
Durante e próksimo 24 ora ta antisipá ku humedat i instabilidat den nos área ta sigui generá nubianan signifikante riba nos region ku posibilidat pa algun áwaseru riba sierto parti di nos isla i bisindario. Ademas, debí na e kondishon atmosfériko instabil, no ta ekskluí e posibilidat pa desaroyo di welek i bos. Tambe, ta ferwagt ku bientu lo keda por lo general suak i esaki por oumentá durante áwaseru mas pisá.

Kondishon di laman:
Por lo general trankil ku altura di olanan entre 0.5 i 1.5 meter (2 i 4 pia).

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djárason mainta:
Parsialmente nublá i sin áwaseru signifikante.

Meteorólogo:
Vrutaal.

E próksimo boletin di tempu lo wòrdu publiká djaluna 11:00 o.l. (15:00 UTC).