Pronóstiko

Pronóstiko di tempu pa Kòrsou i bisindario bálido te djaluna mèrdia 12:00 o.l., 5 di mei 2025.

Kompilá:
djadumingu 4 di mei 2025, 11:00 o.l. (15:00 UTC).

Tempu:
Den promé instante shelu lo varia entre momentonan di solo i parsialmente kubrí ku nubia i wer seku. Ta antisipá un par di áwaseru aisla pa despues awe nochi.

Temperatura máksimo lo alkansá 32ºC i temperatura mínimo 27ºC.
Solo ta sali 06:14 i ta baha 18:50 o.l.

Bientu:
Direkshon ost i suak te moderá; forsa 2 te 4 (7 te 30 km/ora, 4 te 16 nudo). Algun ráfaga de bes en kuando basta fuerte; forsa 5 (31 te 39 km/ora, 17 te 21 nudo).

Situashon general:
Kondishon di tempu den e region ta leve- te parsialmente nublá, ya ku awor un sistema di preshon haltu ta kombiná ku un ambiente relativamente seku pa asina resultá den nada òf tiki aktividat di wer signifikante durante proksimo 24 ora. No opstante esaki, un oumento temporal di humedat na e nivel abou riba partinan di e área di nos isla, por kondusí na formashon di algun nubia kapas pa produsí áwaseru aislá den mardugá i mayan mainta. Ademas, bientunan suak te moderá for di ost lo persistí ku posibel forsa di bientu de bes en kuando te basta fuerte den ráfaga.

Kondishon di laman:
Trankil te moderá ku altura di olanan entre 0.5 i 1.5 meter (2 i 4 pia).

Fenómeno spesial:
Ningun.

Perspektiva te djamars mèrdia:
En general parsialmente nublá ku posibel aktividat di áwaseru mayoria bia den anochi.

Meteorólogo:
Coffie

E próksimo boletin di tempu lo wòrdu publiká djadumingu 17:50 o.l. (21:50 UTC).