Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 3 di mei 2025.

Kompilá:
djabièrnè 2 di mei 2025, 05:00 o.l. (09:00 UTC).

Tempu:
Parsialmente te de bes en kuando basta nublá i no ta antisipá áwaseru signifikante. Tambe visibilidat lo keda redusí debí na stòf di Sahara.

Temperatura máksimo lo alkansá 30ºC i temperatura mínimo 26ºC.
Solo ta sali 06:16 i ta baha 18:50 o.l.

Bientu:
Ost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den posibel áwaseru, ráfaga de bes en kuando basta fuerte; forsa 5 (31 te 39 km/ora, 17 te 21 nudo).

Situashon general:
Mas nubia lo pasa de bes enkuando riba nos region durante di próksimo 24 ora. Sinembargo, no ta antisipá áwaseru signifikante i pa e motibu aki un wer relativamente seku lo prevalesé. Mas aleu, stòf fini di Sahara ta sigui mantené e visibilidat redusí den nos área. Tambe bientu lo ta suak te moderá i esaki lo pèrkurá pa un laman relativamente trankil.

Kondishon di laman:
Trankil te moderá ku altura di olanan entre 0.5 i 1.5 meter (2 i 4 pia).

Fenómeno spesial:
Ningun.

Perspektiva te djadumingu mainta:
Parsialmente te hopi nublá ku chèns pa un áwaseru lokal.

Meteorólogo:
Rombley.

E próksimo boletin di tempu lo wòrdu publiká djabièrnè 11:00 o.l. (15:00 UTC).