Pronóstiko

Pronóstiko di tempu pa Kòrsou i bisindario bálido te djaweps mainta 6:00 o.l., 17 di yüli 2025.

Kompilá:
djárason 16 di yüli 2025, 05:00 o.l. (09:00 UTC).

Tempu:
Shelu lo ta parsialmente nublá, miéntras e por bira de bes en kuando basta nublá ku algun áwaseru aislá. Mayan, bientu lo ta algu mas fuerte.

Temperatura máksimo lo alkansá 32ºC i temperatura mínimo 27ºC.
Solo ta sali 06:19 i ta baha 19:05 o.l.

Bientu:
For di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general:
Ta antisipá ku un ola tropikal lo sòru pa oumento di nubianan ku áwaseru i posibilidat di welek i bos riba e área di nos isla, durante awe mainta i mèrdia tempran. Ademas, e preshon haltu di Atlántiko lo mantené un forsa di bientu moderá te de bes en kuando fuerte di ost durante e próksimo dianan.

Kondishon di laman:
Moderá ku altura di olanan entre 1 i 2 meter (3 i 6 pia).

Sistemanan signifikante di wer tropikal:
Sistemanan signifikante di wer tropikal: Un área di preshon abou ta move wèst riba e sektor nort den Golfo di Amérika i ta pronostiká ku esaki por bira un siklon tropikal promé ku subi tera eventualmente riba djaweps. E futuro siklon aki lo no forma un menasa pa Kòrsou.

Fenómeno spesial:
Ningun.

Perspektiva te djabièrnè mainta:
Periódikamente ménos nublá ku wer por lo general seku.

Meteorólogo:
Coffie

E próksimo boletin di tempu lo wòrdu publiká djárason 11:00 o.l. (15:00 UTC).