Pronóstiko

Pronóstiko di tempu pa Kòrsou i bisindario bálido te djadumingu atardi 18:00 o.l., 6 di yüli 2025.

Kompilá:
djasabra 5 di yüli 2025, 18:00 o.l. (22:00 UTC).

Tempu:
Birando nublá i no ta antisipá áwaseru signifikante durante e próksimo oranan.

Temperatura máksimo lo alkansá 31ºC i temperatura mínimo 26ºC.
Solo ta sali 06:16 i ta baha 19:05 o.l.

Bientu:
Entre ost i suitost i moderá; forsa 3 te 4 (12 te 30 km/ora, 7 te 16 nudo). De bes en kuando durante dia basta fuerte den ráfaga; forsa 5 (31 te 39 km/ora, 17 te 21 nudo).

Situashon general:
Durante di próksimo 24 ora un gran kantidat di nubia na nivelnan mas haltu lo sigui krusa nos region. Sin embargo, e tipo di nubianan aki lo no generá áwaseru signifikante riba nos isla. Pa e motibu aki nos wer lo keda generalmente seku durante awe nochi. Mañan mainta ta antisipá un oumento di humedat na e nivel nan mas abou di atmósfera. Esaki, lo sòru pa algu mas di nubia pasa riba nos área, for di kua por kai un áwaseru pasahero.

Kondishon di laman:
Moderá ku altura di olanan entre 1 i 1.5 meter (3 i 5 pia). E olanan di mas haltu ta kontinuá riba e parti di laman habrí.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djaluna atardi: P
Parsialmente nubla ku chèns pa un áwaseru lokal, ménos bientu i ku un bista redusí.

Meteorólogo:
Correa.

E próksimo boletin di tempu lo wòrdu publiká djadumingu 05:00 o.l. (09:00 UTC).