Pronóstiko

Pronóstiko di tempu pa Kòrsou i bisindario bálido te djadumingu mainta 06:00 o.l., 6 di yüli 2025.

Kompilá:
djasabra 5 di yüli 2025, 05:00 o.l. (09:00 UTC).

Tempu:
Parsialmente te de bes en kuando hopi nublá ku chèns pa algu di áwaseru lokal durante di e dia.

Temperatura máksimo lo alkansá 31ºC i temperatura mínimo 27ºC.
Solo ta sali 06:16 i ta baha 19:05 o.l.

Bientu:
Entre ost i suitost i moderá; forsa 3 te 4 (12 te 30 km/ora, 7 te 16 nudo). De bes en kuando durante dia basta fuerte den ráfaga; forsa 5 (31 te 39 km/ora, 17 te 21 nudo).

Situashon general:
Durante e proksimo 24 ora nos wer ta wòrdu afektá dor di un disturbio na nivel haltu di atmósfera i tambe un ola tropikal ku ta sigui move den direkshon west, alehando su mes for di nos isla. No opstante esaki, ainda ta keda un poko potensial pa posibel desaroyo di nubianan ku algu di áwaseru den nos region durante di e dia. Mas aleu, fluho di bientu lo mantené un forsa generalmente moderá durante di próksimo dianan ku un laman relativamente trankil.

Kondishon di laman:
Moderá ku altura di olanan entre 1 i 1.5 meter (3 i 5 pia). E olanan di mas haltu ta kontinuá riba e parti di laman habrí.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djaluna mainta:
Parsialmente nubla ku chèns pa un áwaseru lokal, ménos bientu i ku un bista redusí.

Meteorólogo:
Vrutaal.

E próksimo boletin di tempu lo wòrdu publiká djasabra 11:00 o.l. (15:00 UTC).