Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l., 11 di yüli 2025.

Kompilá:
djaweps 10 di yüli 2025, 05:00 o.l. (09:00 UTC).

Tempu:
Parsialmente te momentunan basta nublá ku oportunidat moderá pa un yobida lokal.

Temperatura máksimo lo alkansá 31ºC i temperatura mínimo 26ºC.
Solo ta sali 06:17 i ta baha 19:05 o.l.

Bientu:
Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general:
Kondishon atmosfériko lo ta faborabel pa algun nubia signifikante pasa de bes en kuando riba nos region durante e próksimo 24 ora. Algun di e nubianan aki por generá momentunan di yobida riba algun parti di Kòrsou i rondó di e isla. Tambe ta premirá ku de bes en kuando e forsa di bientu lo por ta un poko fuerte prinsipalmente durante di dia, komo konsekuensia di un área amplio di preshon haltu riba Atlántiko nort.

Kondishon di laman:
Moderá te lokalmente brutu ku altura di olanan entre 1 i 2 meter (3 i 7 pia). E olanan di mas haltu ta serka di kosta nort.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djasabra mainta:
Parsialmente nublá i no ta premirá áwaseru signifikante.

Meteorólogo:
Correa.

E próksimo boletin di tempu lo wòrdu publiká djaweps 11:00 o.l. (15:00 UTC).