Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 10 di yüli 2025.

Kompilá:
djárason 9 di yüli 2025, 05:00 o.l. (09:00 UTC).

Tempu:
Por lo general parsialmente nublá ku chèns pa un áwaseru lokal durante oranan di mainta. Tambe ta ferwagt ku bientu lo oumentá un poko.

Temperatura máksimo lo alkansá 31ºC i temperatura mínimo 27ºC.
Solo ta sali 06:17 i ta baha 19:05 o.l.

Bientu:
Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general:
Kondishon atmosfériko lo ta faborabel pa algun nubia signifikante pasa de bes en kuando riba nos region durante e proksimo 24 ora. Algun di e nubianan aki por generá momentunan di áwaseru riba sierto parti di nos isla òf rondó di esaki. Tambe ta premirá ku de bes en kuando e forsa di bientu lo por ta un poko fuerte prinsipalmente durante di dia i esaki lo sòru pa e sekshon di laman habrí bira mas haltu.

Kondishon di laman:
Moderá ku altura di olanan entre 1 i 2 meter (3 i 6 pia). E olanan mas haltu lo ta riba laman habri.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djabièrnè mainta:
Parsialmente nublá i no ta premirá áwaseru signifikante.

Meteorólogo:
Vrutaal.

E próksimo boletin di tempu lo wòrdu publiká djarason 11:00 o.l. (15:00 UTC).