Pronóstiko

Pronóstiko di tempu pa Kòrsou i bisindario bálido te djadumingu atardi 18:00 o.l., 17 di ougùstùs 2025.

Kompilá:
djasabra 16 di ougùstùs 2025, 17:50 o.l. (21:50 UTC).

Tempu:
Shelu ta parsialmente nublá ku wer por lo general seku. Mayan den dia i anochi posiblemente lo bira lokalmente hopi nublá ku áwaseru i welek ku bos.

Temperatura máksimo lo alkansá 32ºC i temperatura mínimo 26ºC.
Solo ta sali 06:25 i ta baha 18:55 o.l.

Bientu:
Direkshon entre nortost i suitost i suak te moderá; forsa 1 te 3 (1 te 19 km/ora, 1 te 10 nudo). Prinsipalmente den áwaseru, de bes en kuando moderá te basta fuerte den ráfaga; forsa 4 te 5 (20 te 39 km/ora, 11 te 21 nudo).

Situashon general:
Durante e próksimo 24 ora kondishon di tempu lo kontinuá na fabor pa desaroyo temporal di mas nubia ku áwaseru riba nos region. Bientu ta por lo general leve i supla for di diferente direkshon. E kondishon di laman lo ta prinsipalmente trankil, pero por bira algu brutu den i serka di áwaseru mas pisá.

Kondishon di laman:
Trankil te moderá ku altura di olanan entre 0.5 i 1.5 meter (2 i 5 pia). Ta antisipá ku e olanan di mas haltu lo ta durante di áwaseru.

Sistemanan signifikante di wer tropikal:
Sistemanan signifikante di wer tropikal: E sentro di orkan Erin tabata situá awe tardi na mas o ménos ku 200 kilometer nort nortwèst di e islanan mas chikitu den nortost Karibe i ta sigui move wèst nortwèst. Orkan Erin no ta un menasa pa Kòrsou.

Fenómeno spesial:
Ningun.

Perspektiva te djaluna atardi: P
Parsialmente te hopi nublá ku algun welek i bos lokalmente.

Meteorólogo:
Coffie

E próksimo boletin di tempu lo wòrdu publiká djadumingu 05:00 o.l. (09:00 UTC).