Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 31 di yüli 2025.

Kompilá:
djárason 30 di yüli 2025, 05:00 o.l. (09:00 UTC).

Tempu:
Levemente nublá i generalmente seku.

Temperatura máksimo lo alkansá 32ºC i temperatura mínimo 27ºC.
Solo ta sali 06:22 i ta baha 19:02 o.l.

Bientu:
Por lo general ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general:
Kondishonnan di wer aktual lo sigui limitá e desaroyo di formashon di nubia signifikante riba nos region. Komo resultado, wer seku lo sigui prevalesé riba nos isla awe tardi i anochi. Ta antisipá un oumento di humedat den e kapanan mas abou di airu mañan mainta. Esaki lo kousa temporalmente un tiki mas nubia, pero e chèns pa áwaseru lo keda práktikamente chikitu, miéntras tantu stòf di Sahara lo ta visibel un te dos dia den e region sur Karibense.

Kondishon di laman:
Moderá ku altura di olanan entre 1 i 1.5 meter (3 i 5 pia).

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Un temblor di 8.7 riba skala di richter a tuma lugá serka di e península Kamchatka situá na kosta ost di Rusia. Esaki a sosedé ayera 29 di yüli 2025, 2:25pm ora lokal. A registrá ''aftershocks'' te ku 6.9 riba eskala di Richter.

Perspektiva te djabièrnè mainta:
Parsialmente nublá i generalmente seku.

Meteorólogo:
Correa.

E próksimo boletin di tempu lo wòrdu publiká djárason 11:00 o.l. (15:00 UTC).