Pronóstiko

Pronóstiko di tempu pa Kòrsou i bisindario bálido te djabièrnè atardi 18:00 o.l., 18 di yüli 2025.

Kompilá:
djaweps 17 di yüli 2025, 18:00 o.l. (22:00 UTC).

Tempu:
Tiki nublá i seku awe nochi.

Temperatura máksimo lo alkansá 31ºC i temperatura mínimo 27ºC.
Solo ta sali 06:19 i ta baha 19:05 o.l.

Bientu:
Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general:
E situashon atmosfériko aktual lo sigui limitá desaroyo di nubianan signifikante riba nos region. Pa e motibu aki, awe mèrdia i awe nochi un tempu generalmente seku lo sigui prevalesé riba Kòrsou. Mañan mainta ta antisipá un oumento di humedat na e nivel nan mas abou di atmósfera. Esaki, lo sòru pa algu mas di nubia pasa riba nos área, for di kua por kai un áwaseru pasahero. Mas aleu, santu fini prosedente di Sahara lo limitá e bista den nos region.

Kondishon di laman:
Moderá ku altura di olanan entre 1 i 2 meter (3 i 7 pia).

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djasabra atardi: P
Parsialmente nubla i no ta antisipá áwaseru signifikante.

Meteorólogo:
Correa.

E próksimo boletin di tempu lo wòrdu publiká djabièrnè 05:00 o.l. (09:00 UTC).