Pronóstiko

Pronóstiko di tempu pa Kòrsou i bisindario bálido te djaluna mèrdia 12:00 o.l., 18 di ougùstùs 2025.

Kompilá:
djadumingu 17 di ougùstùs 2025, 11:00 o.l. (15:00 UTC).

Tempu:
Leve te parsialmente nublá, ménos bientu, sintimentu di kalor i sin áwaseru signifikante durante di dia. Durante awenochi e chèns pa áwaseru lo bolbe oumentá ku posibel welek i bos.

Temperatura máksimo lo alkansá 32ºC i temperatura mínimo 26ºC.
Solo ta sali 06:25 i ta baha 18:55 o.l.

Bientu:
Direkshon varia i suak te moderá; forsa 1 te 3 (1 te 19 km/ora, 1 te 10 nudo). Prinsipalmente den áwaseru, de bes en kuando moderá te basta fuerte den ráfaga; forsa 4 te 5 (20 te 39 km/ora, 11 te 21 nudo).

Situashon general:
Ounke kondishon atmosfériko ta faborabel pa nubianan ku áwaseru sigui pasa riba nos área, no ta premirá aktividat di áwaseru signifikante durante di dia riba nos isla. No opstante esaki, ta premirá ku durante awenochi pa mañan mainta un oumento di nubia lo trese algun áwaseru riba partinan di nos isla i besindario. Ademas un fluho di bientu suak durante dia lo alsa e sintimentu di kalor i húmedo. Tambe ta antisipá ku un kondishon di laman trankil lo prevalesé, pero esaki por bira algu brutu den áwaseru mas pisá.

Kondishon di laman:
Kalmu te trankil ku altura di olanan ménos ku 1 meter (3 pia). Ta antisipá ku e olanan di mas haltu lo ta durante di áwaseru.

Sistemanan signifikante di wer tropikal:
Sistemanan signifikante di wer tropikal: E orkan Erin ta posishoná mas o ménos 250 kilometer nort di Puerto Rico i ta sigui move wèst nortwèst, kedando pafó di Laman Karibe. Orkan Erin lo no ta un menasa pa Kòrsou.

Fenómeno spesial:
Ningun.

Perspektiva te djamars mèrdia:
Parsialmente nublá ku chèns pa un áwaseru lokal i bientu lo oumentá.

Meteorólogo:
Vrutaal.

E próksimo boletin di tempu lo wòrdu publiká djadumingu 17:00 o.l. (21:00 UTC).