Pronóstiko

Pronóstiko di tempu pa Kòrsou i bisindario bálido te djasabra atardi 18:00 o.l., 16 di ougùstùs 2025.

Kompilá:
djabièrnè 15 di ougùstùs 2025, 17:50 o.l. (21:50 UTC).

Tempu:
Promé instante tiki nublá, despues birando mas nublá den anochi i mayan ku un par di áwaseru aislá i posibilidat di welek i bos. Tambe lo sinti un poko kalor den dia.

Temperatura máksimo lo alkansá 33ºC i temperatura mínimo 27ºC.
Solo ta sali 06:25 i ta baha 18:56 o.l.

Bientu:
Di direkshon ost pa sùitost suak te moderá; forsa 2 te 4 (7 te 30 km/ora, 4 te 16 nudo). Prinsipalmente den áwaseru, de bes en kuando basta fuerte te fuerte den ráfaga; forsa 5 te 6 (31 te 50 km/ora, 17 te 27 nudo). Tin bia mas kalmu.

Situashon general:
Kondishonnan lo ta en general tiki te parsialmente nublá den e region, ya ku un ambiente relativamente seku lo sigui prevalesé aserkando i durante kuminsamentu di e fin di siman. No opstante esaki, oumento di humedat den nos área durante e próksimo 24 ora por kousa periodonan ku kondishon di wer instabil pa awe nochi i mayan riba partinan di e isla. Ademas, ta antisipá ku un forsa di bientu suak te moderá lo persistí riba i rondó di e isla. Ounke, bientu por oumentá i olanan bira mas haltu den áwaseru mas pisá.

Kondishon di laman:
Trankil te moderá ku altura di olanan entre 0.5 i 1.5 meter (2 i 4 pia). Olanan lo ta mas haltu den òf serka di áwaseru.

Sistemanan signifikante di wer tropikal:
Sistemanan signifikante di wer tropikal: Tormenta tropikal Erin a intensifiká i awe e a bira un orkan. Awe tardi e orkan ta situá na mas o ménos 600 kilometer ost di e islanan den nortost di Karibe. E siklon ta sigui move den direkshon wèst nortwèst i lo pasa serka òf djis nort di e islanan durante di djasabra. Orkan Erin lo no ta un menasa pa Kòrsou.

Fenómeno spesial:
Ningun.

Perspektiva te djadumingu atardi: P
Parsialmente nublá, de bes en kuando hopi nublá ku áwaseru aislá i riesgo pa welek i bos. Alabes lo bira kalor i húmedo den e siguiente dianan.

Meteorólogo:
Coffie

E próksimo boletin di tempu lo wòrdu publiká djasabra 05:00 o.l. (09:00 UTC).