Pronóstiko

Pronóstiko di tempu pa Kòrsou i bisindario bálido te djaweps atardi 18:00 o.l., 24 di yüli 2025.

Kompilá:
djárason 23 di yüli 2025, 17:50 o.l. (21:50 UTC).

Tempu:
Leve- te parsialmente nublá i awe tardi i anochi wer seku lo kontinuá. Mayan den dia sinembargo, tin bia nubianan lo oumentá i un tiki awa por kai aislá.

Temperatura máksimo lo alkansá 32ºC i temperatura mínimo 27ºC.
Solo ta sali 06:21 i ta baha 19:04 o.l.

Bientu:
Por lo general ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo). Gradualmente mas fuerte.

Situashon general:
Un ola tropikal ta move di ost pa wèst awe tardi riba e parti ekstremo ost den Karibe i ta premirá ku esaki lo pasa den nos área durante di djaweps ku mayoria nubia i wer asosiá kuné kedando na nort di e isla. No opstante esaki, un poko áwaseru ta bira posibel riba partinan limitá di e isla. Aserkando mayan anochi, na momento ku e ola ta alehá di e área di nos isla, bientu lo bira mas fuerte i na su bùrt promové un kondishon di laman mas elevá.

Kondishon di laman:
Moderá riba laman habri ku altura di olanan entre 1 i 1.5 meter (3 i 5 pia).

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djabièrnè atardi: P
Parsialmente nublá, de bes en kuando hopi nublá ku algun áwaseru i posibilidat pa welek ku bos lokalmente.

Meteorólogo:
Coffie

E próksimo boletin di tempu lo wòrdu publiká djaweps 05:00 o.l. (09:00 UTC).