Pronóstiko

Pronóstiko di tempu pa Kòrsou i bisindario bálido te djaluna mèrdia 12:00 o.l., 28 di yüli 2025.

Kompilá:
djadumingu 27 di yüli 2025, 11:00 o.l. (15:00 UTC).

Tempu:
Leve- te parsialmente nublá i un poko sintimentu di kalor, miéntras algu di áwaseru breve i di poko importansia ta posibel.

Temperatura máksimo lo alkansá 32ºC i temperatura mínimo 27ºC.
Solo ta sali 06:22 i ta baha 19:03 o.l.

Bientu:
For di ost i generalmente moderá; forsa 3 te 5 (12 te 39 km/ora, 11 te 21 nudo). Prinsipalmente awe nochi i mayan, de bes en kuando ráfaga te fuerte; forsa 6 (40 te 50 km/ora, 22 te 27 nudo).

Situashon general:
Un disturbio ta pasa awe riba e parti ost den Laman Karibe ku mayoria aktividat relashoná kuné kedando nort di nos. No opstante algun nubia chikí ku ta wòrdu pushá riba e isla den bientu un poko mas fuerte, ta antisipá ku kondishonnan di tempu relativamente stabil sin wer signifikante lo prevalesé den e área, awe i mayan. Na final di e periodo di pronóstiko sinembargo, ta spera ku un otro disturbio den e fluho di airu lo trese algun nubia ku áwaseru leve riba partinan di e isla.

Kondishon di laman:
Por lo general moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djamars mèrdia:
Parsialmente nublá ku un áwaseru aislá.

Meteorólogo:
Coffie

E próksimo boletin di tempu lo wòrdu publiká djadumingu 17:50 o.l. (21:50 UTC).